అక్షరఆయుధంన్యూస్,తిరుపతిజిల్లా,రైల్వేకోడూర్ ,సెప్టెంబర్2(కే.శ్రీధర్)తిరుపతి జిల్లా రైల్వే కోడూరులో ఆంధ్రప్రదేశ్ఉపముఖ్యమంత్రి పవన్ కళ్యాణ్ 55వ జన్మదిన వేడుకలు అంగరంగ వైభవంగా జరిగాయి.స్థానిక శాసనసభ్యులు అరవ శ్రీధర్ ఆధ్వర్యంలో జనసేన కార్యాలయం నుండి రాజ్ కన్వెన్షన్ హాల్ వరకు భారీ బైక్, ఆటో ర్యాలీ నిర్వహించారు.రాజ్ కన్వెన్షన్ హాల్లో ఏర్పాటు చేసిన వేడుకల్లో ముఖ్య అతిథిగా టీడీపీ ఇన్చార్జ్ ముక్కా రూపానంద్ రెడ్డి పాల్గొన్నారు.పవన్ కళ్యాణ్ ఆశయాలకు అనుగుణంగా నిర్వహించిన ఈ సేవా కార్యక్రమాల్లో భాగంగా పలు సంక్షేమ సాయాలు అందించారు.5 మండలాలకు చెందిన 25 మంది నిరుపేద మహిళలకు కుట్టు మిషన్లు పంపిణీ చేశారు.పంట నష్టపోయిన 25 మంది రైతులకు రూ. 10,000 చొప్పున ఆర్థిక సాయం అందించారు.పదవ తరగతిలో ఉత్తమ మార్కులు సాధించిన 25 మంది విద్యార్థులకు (ఫస్ట్ ర్యాంక్కు రూ. 5,000, సెకండ్ ర్యాంక్కు రూ. 3,000) నగదు బహుమతులు అందించారు.25 మంది దివ్యాంగులకు మూడు చక్రాల సైకిళ్లు అందజేశారు.100 మంది పారిశుద్ధ్య కార్మికులకు నూతన వస్త్రాలు, చీరలు పంపిణీ చేశారు.ఈ సందర్భంగా ఎమ్మెల్యే అరవ శ్రీధర్ మాట్లాడుతూ… తమ జనసేనాని జన్మదిన వేడుకలను ప్రజలకు ఉపయోగపడేలా సేవా కార్యక్రమాలతో నిర్వహించడం సంతోషంగా ఉందన్నారు. టీడీపీ ఇన్చార్జ్ ముక్కా రూపానంద్ రెడ్డి డిప్యూటీ సీఎం పవన్ కళ్యాణ్కు జన్మదిన శుభాకాంక్షలు తెలుపుతూ, ఈ వేడుకల్లో పాల్గొన్న కూటమి నాయకులకు, కార్యకర్తలకు ధన్యవాదాలు తెలిపారు.రాష్ట్ర కార్యదర్శి తాతంశెట్టి నాగేంద్ర, సంగరాజు రవికుమార్ రాజు తో పాటు ఐదు మండలాల కూటమి నాయకులు, కార్యకర్తలు, యువకులు, మహిళలు పెద్ద ఎత్తున పాల్గొని ఈ కార్యక్రమాన్ని విజయవంతం చేశారు.
